غیبی آواز ، صحیح احادیث سے انتخاب

دو ہزار سال پہلے کا واقعہ ہے ایک دن ایک شخص جنگل میں سے گزر رہا تھا کہ اسے بادلوں میں سے ایک آواز آئی ، کوئی ان بادلوں کو حکم دے رہا تھا کہ فلاں شخص کے باغ کو سیراب کرو  

اس نے بادلوں کی طرف دیکھا اور ان کے ساتھ چلنے لگا ۔

بادل ایک پتھریلی زمین کی طرف گئے اور وہاں بارش برسنے لگی ۔

غیبی آواز

بارش کا پانی چھوٹی چھوٹی نالیوں میں بہتا ہوا ایک جگہ جمع ہو کر ایک نالے کی صورت اختیار کر گیا ۔ پھر اس نالے نے ایک طرف کا رخ کر لیا ۔ وہ آدمی یہ دیکھنے کے لیے کہ نالے کا پانی کہاں جائے گا ، نالے کے ساتھ ساتھ چلنے لگا ۔

اس نے دیکھا کہ وہ نالہ ایک باغ میں داخل ہو گیا جہاں ایک آدمی نالے سے پانی لے کر باغ میں ادھر ادھر پھیلانے لگا ۔

غیبی آواز

وہ آدمی کچھ دیر کھڑا یہ سارا منظر دیکھتا رہا پھر باغ والے شخص سے پوچھا کہ، اے اللّٰہ کے بندے ، تمہارا نام کیا ہے ؟

باغ والے آدمی نے اپنا نام بتایا تو یہ وہی تھا جو اس نے بادلوں میں سنا تھا ۔

اب باغ والے شخص نے اس آدمی سے دریافت کیا کہ اے اللّٰہ کے بندے ، تم نے میرا نام کیوں پوچھا ؟

اس آدمی نے جو کچھ سنا اور دیکھا تھا وہ سب اس شخص سے بیان کیا اور پھر باغ والے سے پوچھا ،

بھائی یہ بتاؤ کہ تم ایسا کون سا عمل کرتے ہو کہ بادلوں کو خاص تمہارا نام لے کر حکم دیا گیا کہ تمہارے باغ میں بارش برسائے ۔

باغ والے نے کہا ، تم نے جو کچھ دیکھا اور سنا وہ مجھے بتایا اب میں بھی تمہیں بتاتا ہوں

  میرے باغ میں جو پیداوار ہوتی ہے میں اس کے تین حصے کرتا ہوں ۔

غیبی آواز

ایک حصہ اللّٰہ تعالیٰ کی راہ میں دے دیتا ہوں ، دوسرا حصہ اپنے گھروالوں پر خرچ کرتا ہوں اور تیسرا حصہ اس باغ کی حفاظت اور بہتری پر خرچ کردیتا ہوں ۔

Moral Stories for children.                           

 Moral Stories